ບົດໂອ້ລົມ
ຂອງທ່ານ ພັນຄຳ ວິພາວັນ ກຳມະການກົມການເມືອງສູນກາງພັກ, ຮອງນາຍົກລັດຖະມົນຕີ ລັດຖະມົນຕີ ວ່າການກະຊວງສຶກສາ ແລະ ກິລາຜູ້ຊີ້ນຳວຽກງານວັດທະນະທຳສັງຄົມຕໍ່ກອງປະຊຸມໃຫຍ່ຄັ້ງທີ IX ຂອງ ສະມາຄົມນັກຂ່າວ ແຫ່ງ ສປປ ລາວ (ຄັ້ງວັນທີ 17 ກຸມພາ 2015)

  • ຄະນະປະທານທີ່ນັບຖື
  • ຜູ້ແທນ ແລະ ແຂກກອງປະຊຸມທີ່ຮັກແພງ
    ມື້ນີ້ຂ້າພະເຈົ້າມີຄວາມປະຕິຊົມຊື່ນ ແລະ ດີໃຈເປັນຢ່າງຍິ່ງທີ່ໄດ້ມາພົບປະໂອ້ລົມກັບບັນດາສະຫາຍ ຜູ້ແທນສື່ມວນຊົນທີ່ມາຈາກອ້ອມຂ້າງສູນກາງ ແລະ ທ້ອງຖິ່ນໃນທົ່ວປະເທດ.
    ໃນໂອກາດທີ່ມີຄວາມໝາຍສຳຄັນນີ້ໃນນາມກົມການເມືອງສູນກາງພັກ ແລະ ໃນນາມສ່ວນຕົວ ຂ້າພະເຈົ້າຂໍສະແດງຄວາມຊົມເຊີຍຕໍ່ກອງປະຊຸມໃຫຍ່ຂອງສະມາຄົມນັກຂ່າວໃນເທື່ອນີ້ ແລະ ຂໍນຳ ອົາ ຄວາມຮັກແພງ, ຄວາມຢ້ຽມຢາມຖາມຂ່າວອັນອົບອຸ່ນມາຍັງບັນດາພະນັກງານສື່ມວນຊົນທັງພາກລັດແລະ ເອກະຊົນທຸກທົ່ວໜ້າທີ່ປະຕິບັດພາລະໜ້າທີ່ອັນໜັກໜ່ວງ ແລະ ມີກຽດສະຫງ່າໃນສະໜາມຮົບແນວ ຄິດວັດທະນະທຳຂອງພັກ ແລະ ລັດເຮົາ.
    ກອງປະຊຸມໃຫຍ່ຂອງພວກສະຫາຍແມ່ນເຫດການໜຶ່ງທີ່ມີຄວາມໝາຍສຳຄັນທັງເປັນບັ້ນດຳເນີນຊີ ວິດການເມືອງຂອງຜູ້ເຮັດວຽກງານສື່ມວນຊົນ, ເປັນການທົບທວນຄືນວຽກງານໃນໄລຍະຜ່ານມາ ແລະ ກຳນົດໜ້າທີ່ການເມືອງໃນໄລຍະຕໍ່ໄປ.
    ບັນດາທ່ານ, ບັນດາສະຫາຍ, ໃນ 5 ປີ ກວ່າທີ່ຜ່ານມານັບແຕ່ກອງປະຊຸມໃຫຍ່ຄັ້ງທີ VIII ຂອງສະມາ ຄົມນັກຂ່າວແຫ່ງ ສປປ ລາວ ມາເຖິງປະຈຸບັນການເຄື່ອນໄຫວຂອງພາຫານະສື່ມວນຊົນແມ່ນຍັງຮັກສາທິດທາງການເມືອງແນວຄິດ,ປະ ຕິວັດ ບົດບາດໂຄສະນາເຜີຍແຜ່ແນວທາງນະໂຍບາຍຂອງພັກ ລະບຽບກົດໝາຍຂອງລັດເປັນຢ່າງດີ, ປະ ກອບສ່ວນເຂົ້າໃນການຕໍ່ສູ້ຕ້ານບັນດາຖ້ອຍທຳນອງໃສ່ຮ້າຍປ້າຍສີ ແລະ ທັດສະນະທີ່ຜິດພາດ, ຕ້ານການ ສໍ້ລາດບັງຫລວງ, ສິ່ງຫຍໍ້ທໍ້ຕ່າງໆໃນສັງຄົມ, ປຸກລະດົມນ້ຳໃຈຮັກຊາດຮັກລະບອບໃໝ່ຂອງປະຊາຊົນບັນ ດາຊັ້ນຄົນ,ເປັນເຈົ້າການສຸມໃສ່ກໍ່ສ້າງ ແລະ ປົກປັກຮັກສາປະເທດຊາດ, ດຳເນີນພາລະກິດປ່ຽນແປງໃໝ່ ເພື່ອຈຸດໝາຍປະເທດຊາດເຂັ້ມແຂງ, ປະຊາຊົນຮັ່ງມີຜາສຸກ, ສັງຄົມມີປະຊາທິປະໄຕ, ຍຸຕິທຳ ແລະ ສີວິໄລ ຕາມທິດສັງຄົມນິຍົມ. ພ້ອມກັນນັ້ນສື່ມວນຊົນໄດ້ມີການພັດທະນາຕົນເອງທັງດ້ານປະລິມານ ແລະ ຄຸນນະ ພາບ, ດ້ານລະດັບຄວາມຮູ້ ແລະ ຄວາມສາມາດ, ບັນດາພາຫະນະສື່ມວນຊົນໄດ້ນຳໃຊ້ວິທະຍາສາດທີ່ ກ້າວໜ້າ ເຕັກໂນໂລຊີຂ່າວສານທັນສະໄໝ. ສື່ມວນຊົນນຳນວນໜຶ່ງໄດ້ບືນຕົວຊອກແຫລ່ງລາຍ ຮັບດ້ວຍ ຕົນເອງເພື່ອຫລຸດຜ່ອນການແບກຫາບດ້ານງົບປະມານຂອງລັດ.
    ຕະຫລອດໄລຍະຊຸມປີຜ່ານມາເຖິງແມ່ນວ່າສະພາບສາກົນມີການຜັນແປຢ່າງໄວວາ ແລະ ສັບສົນມີທັງກາ ລະໂອກາດອັນດີ ແລະ ມີທັງການທົກສອບທ້າທາຍແຕ່ຂະແໜງການສື່ມວນຊົນພວກເຮົາກໍ່ໄດ້ມີຄວາມ ພະຍາຍາມປະຕິບັດໜ້າທີ່ການເມືອງຂອງຕົນດ້ວຍຄວາມຮັບຜິດຊອບສູງ ແລະ ໄດ້ຮັບຜົນສຳເລັດໃນ ຫລາຍດ້ານ, ຍຶດໝັ້ນໃນແນວທາງນະໂຍບາຍ ແລະ ອຸດົມການຂອງພັກຢ່າງໜັກແໜ້ນ, ເປັນເຄື່ອງມື ອັນແຫລມຄົມຂອງພັກ ແລະ ລັດ, ປະກອບສ່ວນສຳຄັນເຂົ້າໃນການໂຄສະນາເຜີຍແຜ່ຊຸກຍູ້ ແລະ ຜັນ ຂະຫຍາຍແນວທາງນະໂຍບາຍຂອງພັກ – ລັດ ໃນແຕ່ລະໄລຍະເປັນຕົ້ນແມ່ນໂຄສະນາຮັບໃຊ້ໃຫ້ແກ່ ພາລະກິດປ່ຽນແປງໃໝ່ຂອງພັກ ແລະ ພັດທະນາເສດຖະກິດສັງຄົມຂອງປະເທດເຮົາ. ພ້ອມກັນນັ້ນກໍໂຄ ສະນາໃຫ້ແກ່ບັ້ນສຳຄັນຕ່າງໆຂອງພັກ, ຂອງຊາດ ແລະ ສາກົນຢ່າງເປັນປົກກະຕິ. ມາເຖິງປະຈຸບັນເຫັນ ວ່າສື່ມວນຊົນລາວມີລັກສະນະຫັນເປັນສັງຄົມຫລາຍຮູບຫລາຍສີມີຄວາມວ່ອງໄວທັນການຫລາຍຂຶ້ນ ແລະ ເຄື່ອນໄຫວເຮັດໜ້າທີ່ຕາມຫລັກການຈັນຍາບັນວິຊາຊີບຫລາຍເນື້ອໃນທີ່ຕອບສະໜອງຄວາມຕ້ອງ ການ ຂອງປະຊາຊົນດີຂຶ້ນກວ່າເກົ່າ. ສື່ມວນຊົນພວກເຮົາຍັງສືບຕໍ່ຮັກສາບົດບາດອັນສຳຄັນໃນວຽກງານ ການ ເມືອງແນວຄິດ, ປະກອບສວ່ນຕ້ານປະກົດການຫຍໍ້ທໍ້ແລະ ຕອບຕ້ານການໂຄສະນາແບບບິດເບືອນໃສ່ຮ້າຍ ປ້າຍສີຂອງພວກຄົນບໍ່ດີ, ປະກອບສ່ວນອັນສຳຄັນເຂົ້າໃນຜົນສຳເລັດລວມຂອງພາລະກິດປ່ຽນແປງໃໝ່ ແລະ ການຂະຫຍາຍຕົວຂອງປະເທດຊາດພ້ອມທັງໄດ້ສ້າງກະລະໂອກາດ ແລະ ເງື່ອນໄຂອັນດີໃຫ້ວຽກງານ ຖະແຫລງຂ່າວສື່ມວນຊົນລາວເຕີບໃຫຍ່ຂະຫຍາຍຕົວເປັນກ້າວໆ.
    ຖັນແຖວພະນັກງານກໍ່ໄດ້ຮັບການປັບປຸງຍົກລະດັບໃຫ້ສູງຂຶ້ນກວ່າເກົາ, ພື້ນຖານວັດຖຸເຕັກນິກໄດ້ ຄ່ອຍໆຫັນປ່ຽນໄປສູ່ຄວາມທັນສະໄໝເທື່ອລະກ້າວ, ສາມາດສົ່ງຂໍ້ມູນຂ່າວສານຂອງຕົນອອກສູ່ພາຍໃນ ແລະ ຕ່າງປະເທດໄດ້ຢ່າງວ່ອງໄວທັນການ ແລະ ກວ້າງຂວາງກວ່າເກົ່າເຮັດໃຫ້ມາດຕະຖານ ແລະ ຄຸນ ນະພາບຂອງສື່ໄດ້ຮັບການພັດທະນາຍົກລະດັບຂຶ້ນເປັນກ້າວໆ.
    ຄຽງຄູ່ກັບຜົນງານດ້ານດີທີ່ກ່າວມານັ້ນກໍ່ເຫັນວາສື່ມວນຊົນຂອງພວກເຮົາກໍຍັງມີຈຸດອ່ອນຄົງຄ້າງ ແລະ ຂໍ້ຈຳກັດຈຳນວນໜຶ່ງ ໂດຍສະເພາະແລ້ວການຖະແຫລງຂ່າວເຖິງວ່າອຸດົມສົມບູນ, ມີຫລາຍຮູບຫລາຍສີດີ ກວ່າແຕ່ກ່ອນກໍ່ຕາມ, ລັກສະນະຕໍ່ສູ້ລັກສະນະສຶກສາອົບຮົມຊວນເຊື່ອຍັງບໍ່ທັນສູງ ການສອງແສງຂະບວນ ການຜ່ານພຶດຕິກຳອັນຟົດຟື້ນຂອງມະຫາຊົນ ແລະ ຊີວິດສັງຄົມຍັງບໍ່ທົ່ວເຖິງບໍ່ຄົບຖ້ວນ, ການຕອບໂຕ້ການ ໂຄສະນາບິດເບືອນ ຂອງກຳລັງປໍລະປັກ, ກຳແນວທາງນະໂຍບາຍຂອງພັກຍັງບໍ່ທັນວ່ອງໄວທັນການ. ການ ວິເຄາະຂ່າວຍັງບໍ່ທັນຄົມເລິກ. ການອອກຂ່າວຍັງຊັກຊ້າເຮັ້ດໃຫ້ຄຸນປະໂຫຍດການນຳພາແນວຄິດໃນທົ່ວສັງຄົມ ບໍ່ໜັກແໜ້ນເຂັ້ມແຂງ. ນອກຈາກນັ້ນບາງສື່ມວນຊົນຍັງມີປະກົດການຢາກຫັນເປັນການຄ້າແລ່ນນຳລາຍໄດ້ຫລາຍເກີນໄປ, ເຮັດ ຕາມຄວາມມັກ, ອັນຈະພາໃຫ້ສື່ເຫລົ່ານີ້ຄ່ອຍໆຫ່າງອອກຈາກຈຸດປະສົງ ແລະ ເປົ້າໝາຍຮັບໃຊ້ຂອງຕົນ ໄປເທື່ອລະໜ້ອຍ ແລະ ບໍ່ສາມາດເຮັດຫລ້ອນໜ້າທີ່ການເມືອງຂອງຕົນໄດ້.
  • ບັນດາທ່ານ ບັນດາສະຫາຍທີ່ຮັກແພງ,
    ຍຸກສະໄໝປະຈຸບັນຊຶ່ງເປັນຂອງສັງຄົມ ຂໍ້ມູນຂ່າວສານ, ສື່ມວນຊົນຂອງພວກເຮົາຍິ່ງເປັນພາຫະນະສຳ ຄັນທີ່ສຸດໃນການສຶກສາອົບຮົມເພາະວ່າສື່ມວນຊົນເປັນຜູ້ເຜີຍແຜ່ແນວທາງນະໂຍບາຍຂອງພັກ, ລະບຽບ ກົດໝາຍຂອງລັດ, ເປັນຜູ້ນຳເອົາແນວທາງນະໂຍບາຍຂອງພັກ, ກົດໝາຍຂອງລັດກໍຄືແຜນ ພັດທະນາ ເສດຖະກິດສັງຄົມໄປສູ່ປະຊາຊົນບັນດາເຜົ່າເພື່ອໃຫ້ປະຊາຊົນທຸກຊັ້ນຄົນໄດ້ຮັບຮູ້ເຫດການຂ່າວຄາວ ຕ່າງໆ. ນອກຈາກນັ້ນສື່ມວນຊົນຍັງເປັນຜູ້ຊີ້ແນະ ແລະ ກໍ່ສ້າງຫາງສຽງສັງຄົມທີ່ຖືກຕ້ອງ, ເປັນຜູ້ເຕົ່າໂຮມ ເປັນຜູ້ຊຸກຍູ້ຂະບວນການພັດທະນາເສດຖະກິດສັງຄົມ, ຍົກສູງຊີວິດການເປັນຢູ່ຂອງປະຊາຊົນ. ຍ້ອນສື່ ມວນຊົນເປັນອາວຸດອັນແຫລມຄົມຈຶ່ງເຮັດໃຫ້ມີຜົນກະທົບທັງສອງດ້ານ ຄື ທັງຄຸນ ແລະ ໂທດ. ຖ້າໃຊ້ຖືກ ທິດສື່ກໍ່ເປັນກຳລັງແຮງອັນໃຫຍ່ຫລວງ ຖ້າໃຊ້ຜິດກໍມີຜົນເສຍຫາຍອັນໃຫຍ່ຫລວງເຊັ່ນດຽວກັນ. ດັ່ງນັ້ນ ພັກລັດຖະບານຈຶ່ງໃຫ້ຄວາມສຳຄັນ ຕໍ່ການເຄື່ອນໄຫວຂອງວຽກງານສື່ມວນຊົນເວົ້າລວມເວົ້າສະເພາະ ກໍຄືເອົາໃຈໃສ່ຕໍ່ກອງປະຊຸມໃຫຍ່ຂອງສະມາຄົມນັກຂ່າວຂອງພວກເຮົາໃນຄັ້ງນີ້. ສະມາຄົມນັກຂ່າວແມ່ນ ການຈັດຕັ້ງການເມືອງສັງຄົມວິຊາຊີບທີ່ສະໝັກໃຈຂອງບັນດາຜູ້ເຮັດວຽກງານ ສື່ມວນຊົນລາວ, ມີບົດບາດ ແລະ ຄວາມຮັບຜິດຊອບອັນສຳຄັນຍິ່ງຕໍ່ອົງການໜັງສືພິມ ແລະ ສື່ມວນຊົນໃນທົ່ວປະເທດ. ລັດຖະບານ ສົງເສີມເສລີພາບທາງດ້ານສື່ມວນຊົນເພື່ອຜົນປະໂຫຍດຂອງປວງຊົນລາວທັງຊາດ, ເສລີພາບຂອງຜູ້ເປັນ ເຈົ້າຂອງປະເທດຊາດ ເພື່ອປົກປັກຮັກສາ ແລະ ສ້າງສາປະເທດຊາດ. ເສລີພາບດັ່ງກ່າວຕ້ອງຕິດພັນກັບລະ ບຽບວິໄນ, ປະຊາທິປະໄຕ ຢູ່ໃນຂອບເຂດກົດໝາຍ. ເສລີພາບຂອງນັກຂ່າວຕ້ອງຕິດພັນກັບຄຸນສົມບັດສິນ ທຳ ແລະ ຄວາມຮັບຜິດຊອບຕໍ່ໜ້າທີ່ ແລະ ພັນທະຂອງພົນລະເມືອງຊຶ່ງແມນເນື້ອແທ້ຂອງເສລີພາບສື່ມວນ ຊົນລາວ. ພ້ອມກັນນັ້ນກໍຕ້ອງຮັບຮູ້ວ່າພວກເຮົາບໍ່ອະນຸຍາດໃຫ້ມີເສລີພາບແບບອະທິປະໄຕ, ນອກກົດ ໝາຍ ຊຶ່ງເປັນການມ້າງເພທຳລາຍຄວາມໝັ້ນຄົງຂອງປະເທດຊາດ, ກໍ່ຄວາມບໍ່ສະຫງົບທາງການເມືອງ ສັງຄົມອັນເປັນການກີດຂວາງການສ້າງສາພັດທະນາປະເທດຊາດ. ສື່ມວນຊົນຕ້ອງຢຶດໝັ້ນໃນທັດສະນະ ຂອງພັກຢຶດໝັ້ນໃນຄວາມເປັນຈິງ ແລະ ຕ້ອງເປັນເຄື່ອງມືອັນແຫລມຄົມຂອງພັດທາງດ້ານການເມືອງແນວ ຄິດເປັນນັກໂຄສະນາຂົນຂວາຍມະຫາຊົນ, ເປັນຜູ້ຈັດຕັ້ງລວມໝູ່ ແລະເປັນເວທີແຫ່ງການເສີມຂະຫຍາຍ ປະຊາທິປະໄຕ ແລະ ສິດເປັນເຈົ້າປະເທດຊາດຂອງປະຊາຊົນບັນດາເຜົ່າ, ເປັນແຫລ່ງຂໍ້ມູນຂ່າວສານ,ໃຫ້ ສາລະຄວາມຮູ້ ແລະ ຄວາມບັນເທີງແກ່ມະຫາຊົນ. ດັ່ງນັ້ນຕ້ອງເອົາໃຈໃສ່ການພັດທະນາ ພື້ນຖານວັດຖຸ ເຕັກນິກເພື່ອຍົກລະດັບຄວາມສາມາດ ແລະ ຄວາມທັນສະໄໝຂອງສື່ມວນຊົນ. ໃນຕໍ່ໜ້າ ຕ້ອງສືບຕໍ່ເຮັດ ໃຫ້ການຖະແຫລງຂ່າວມີຫລາຍຮູບຫລາຍສີຫລາຍທິດຫລາຍລວງວ່ອງໄວທັນການຖືກກັບຄວາມຈິງໃຫ່ສາ ລະຄວາມຮູ້ດ້ານຕ່າງໆ ເພື່ອເຊີດຊູພູມປັນຍາແກ່ປະຊາຊົນ ຮັບປະກັນລັກສະນະສ່ອງ ແສງພາວະວິໄສ, ລັກສະນະສຶກສາອົບຮົມ ແລະ ນຳເອົາສາລະບັນເທີງທີ່ປອດໃສ ເຂັ້ມແຂງລົງໄປສູ່ປະຊາຊົນໃຫ້ນັບມື້ນັບ ກວ້າງຂວາງ ແລະ ທົ່ວເຖິງກວ່າເກົ່າ. ນອກຈາກນັ້ນສື່ມວນຊົນ ຍັງຕ້ອງໄດ້ເອົາໃຈໃສ່ຢ່າງ ແຂງແຮງເຂົ້າໃນ ການປຸກລະດົມຂຸດຄົ້ນຄວາມສາມາດບົ່ມຊ້ອນຂອງທົ່ວສັງຄົມ ຂອງທຸກພາກສ່ວນເສດຖະກິດທຸກຂະແໜງ ການ ແລະ ທ້ອງຖິ່ນກໍຄືຂອງແຕລະຄອບຄົວ ແຕ່ລະບຸກຄົນ ພົນລະເມືອງເຂົ້າໃນການ ຈັດຕັ້ງປະຕິບັດຄາດ ໝາຍທີ່ກອງປະຊຸມໃຫຍ່ຄັ້ງທີ IX ຂອງພັກໄດ້ວາງອອກ ເປັນຕົ້ນແມ່ນການຊຸກຍູ້ຂະບວນການຜະລິດເປັນ ສິນຄ້າ, ການລົບລ້າງຄວາມທຸກຍາກຂອງປະຊາຊົນ ເຮັດໃຫ້ປະເທດຊາດຫລຸດພົ້ນອອກຈາກຄວາມດ້ອຍ ພັດທະນາໃນປີ 2020.
  • ນອກຈາກນີ້ຕ້ອງເອົາໃຈໃສ່ປະຕິບັດກົດໝາຍວ່າດ້ວຍສື່ມວນຊົນຢ່າງເຂັ້ມງວດ ແລະ ມີໝາກຜົນ ໂຕຈິງໂດຍສະເພາະແມ່ນການປະຕິບັດພາລະບົດບາດ, ສິດ ແລະ ໜ້າທີ່ຂອງສື່ມວນຊົນ ກໍຄືການປະຕິ ບັດດຳລັດວ່າດ້ວຍການຈັດຕັ້ງ ແລະ ເຄື່ອນໄຫວຂອງອົງການສື່ມວນຊົນໃຫ້ຖືກຕ້ອງ ແລະ ຄົບຖ້ວນ.
  • ພ້ອມກັນນັ້ນກໍຕ້ອງເອົາໃຈໃສ່ບຳລຸງຍົກລະດັບ ແລະ ກໍ່ສ້າງພະນັກງານສື່ມວນຊົນໃຫ້ມີລະດັບ ຄວາມຮູ້ທາງດ້ານເຕັກນິກວິຊາການ, ມີຄວາມຫ້າວຫັນ ເປັນເຈົ້າການ ແລະ ມີຄວາມຮັບຜິດຊອບສູງຕໍ່ ໜ້າທີ່ວຽກງານຂອງຕົນ, ອຳນວຍຄວບຄຸມສື່ມວນຊົນໄດ້ຢ່າງຄອງຕົວ ແລະ ມີປະສິດທິຜົນ, ຮັບປະກັນ ການນຳພາຂອງພັກ ແລະ ການຄຸ້ມຄອງຂອງລັດຕໍ່ສື່ມວນຊົນໃນໄລຍະໃໝ່.
  • ບັນຫາສຳຄັນອັນໜຶ່ງແມ່ນຕ້ອງສ້າງນະໂຍບາຍສຳລັບນັກຂ່າວ, ນະໂຍບາຍໃນການບຳລຸງຍົກ ສູງຄຸນນະພາບເພື່ອຕອບສະໜອງຄວາມຕ້ອງການ ແລະ ຈຸດພິເສດຂອງເປົ້າໝາຍໃນການຖະແຫລງ ຂ່າວໃຫ້ດີຂຶ້ນ. ສະມາຄົມນັກຂ່າວຕ້ອງສົມທົບແໜ້ນກັບບັນດາສຳນັກງານຂອງພັກຂອງລັດ ເພື່ອປັບປຸງ ກົນໄກ, ການປະກອບສ່ວນສະໜອງຂໍ້ມູນຂ່າວສານໃນວົງການສື່ມວນຊົນ ຕາມທິດຫັນເປັນທັນສະໄໝ ເທື່ອລະກ້າວ -ເຊື່ອມໂຍງດ້ານຂໍ້ມູນຂ່າວສານກັບສາກົນຢ່າງກົມກືນ ແລະ ສອດຄ່ອງ, ເພີ່ມທະວີການ ຮ່ວມມືກັບສາກົນເພື່ອພັດທະນາວຽກງານຖະແຫລງຂ່າວສື່ມວນຊົນໃຫ້ເຂັ້ມແຂງຂຶ້ນເລື້ອຍໆ.
    ດ້ວຍຈິດໃຈທີ່ນຳສະເໜີມາຂ້າງເທິງນີ້ ແມ່ນເພື່ອໃຫ້ກອງປະຊຸມໃຫຍ່ຂອງສະມາຄົມນັກຂ່າວນຳໄປ ເປັນທິດປັບປຸງວຽກງານໃຫ້ມີການຫັນປ່ຽນດີຂຶ້ນ. ຂ້າພະເຈົ້າຫວັງວ່າພາຍຫລັງກອງປະຊຸມຄັ້ງນີ້ ຈະເຮັດ ໃຫ້ວຽກງານຂອງພວກເຮົາມີບາດກ້າວຂະຫຍາຍຕົວໃໝ່ ແລະ ໄດ້ຮັບການພັດທະນາດີຂຶ້ນເລື້ອຍໆ.
    ໃນໂອກາດນີ້ ຂ້າພະເຈົ້າຂໍອວຍພອນໃຫ້ກອງປະຊຸມໃຫຍ່ຄັ້ງນີ້ຂອງສະມາຄົມນັກຂ່າວຈົ່ງໄດ້ຮັບຜົນ ສຳເລັດອັນຈົບງາມ.
    ຂໍອວຍພອນໃຫ້ຜູ້ແທນກອງປະຊຸມ ແລະ ແຂກທຸກທ່ານຈົ່ງມີສຸຂະພາບເຂັ້ມແຂງ.