Uncategorized

ຕອນເຊົ້າວັນພະຫັດທີ8/8/24ນີ້, ຄະນະຮັບຜິດຊອບໂຄງການ GAMCIL ຮ່ວມກັບຊ່ຽວຊານ Kyle James technical assistant to the project ໄດ້ປະຊຸມເພື່ອພ້ອມກັນກວດກາສັງລວມຄືນຄວາມຕ້ອງການຂອງການສ້າງຫລັກສູດເພື່ອເຝິກອົບຮົມນັກຂ່າວໃນການສົ່ງເສີມການພັດທະນາພື້ນທີ່ສີຂຽວຂຶ້ນຢູ່ຫ້ອງການທີ່ສຳນັກງານໜັງສືພິມພາສາຕ່າງປະເທດພາຍຫລັງທີ່ສຳເລັດ ການລົງເກັບກຳທາບທາມລະດັບຄວາມຮັບຮູ້ຄວາມເຂົ້າໃຈແລະຄວາມຕ້ອງການໃນການພັດທະນາສື່ແບບໃໝ່ New Media, Social media ຢູ່ນະຄອນຫລວງພະບາງແລະ ນະຄອນຫລວງວຽງຈັນໃນອາທິດນີ້.

ການເສລະນາຄັ້ງນີ້ແມ່ນສະມາຄົມນັກຂ່າວ LJA ແລະ ອົງການແຄ CARE Lao ເປັນເຈົ້າພາບ ສະໜັບສະໜູນໂດຍສະຫະພາບເອີຣົບ EU, ທ່ານດາວວອນ ພະຈັນທະວົງ ປະທານກິດຕິມະສັກສະມາຄົມນັກຂ່າວ, ທ່ານ ກິດສະໜາ ວົງໄຊ ພ້ອມຄອບຄົວ ແລະ ນັກທຸລະກິດຈຳນວນໜຶ່ງ. ດີໃຈ ແລະກໍ່ພູມໃຈເປັນຢ່າງຍິ່ງທີ່ເຫັນລູກຫລານຄົນຮຸ່ນໜຸ່ມທີ່ມາເປັນວິທະຍາກອນ ໃນມື້ນີ້ລ້ວນແລ້ວແຕ່ເປັນຄົນມີຄວາມຮູ້ຄວາມສາມາດສູງ, ມີລະດັບການສຶກສາດີ ແລະ ເປັນມືອາຊີບທີ່ນໍາຍຸກນໍາສະໄໝທາງດ້ານເທັກໂນໂລຊີສື່ສານມວນຊົນທີ່ສາມາດເຊື່ອມສານກັບສາກົນໄດ້. ສະນັ້ນ, ການເສວະນາໃນມື້ນີ້ເຖິງວ່າຈະເປັນເວລາທີ່ສັ້ນຫລາຍ ແຕ່ກໍ່ມີຜົນປະໂຫຍດສູງເພາະມັນເປັນໂອກາດດີທີ່ນັກຂ່າວສື່ສານມວນຊົນຮຸ່ນສືບທອດພວກເຮົາຈະນໍາເອົາຄວາມຮູ້, ປະສົບການຈາກວິທະຍາກອນເຫລົ່ານີ້ໄປໃຊ້ໃຫ້ບັງເກີດຜົນໂດຍສະເພາະແມ່ນ AI ເຊິ່ງມາຮອດປັດຈຸບັນນີ້ໂລກເຂົາພັດທະນາໄປໃກແລ້ວ ແຕ່ພວກເຮົາບໍ່ຈໍາເປັນໄປຄົ້ນຄວ້າ ແລະ ເລີ້ມເຮັດໃໝ່ນັບ 1,2,3,4, ໄປ ເຮົານໍາໃຊ້ຜົນສຳເລັດທີ່ເຂົາເຮັດມາແລ້ວໄປໂລດ ໄປທາງລັດກໍ່ວ່າແມ່ນຈຶ່ງຈະໄດ້ຮັບຜົນໄວກວ່າ ແລະ ມີປະສິດທິຜົນສູງກວ່າ ແລະ ຈະເຮັດໃຫ້ການພັດທະນາວຽກງານສື່ສານມວນຊົນລາວຂອງພວກເຮົາກ້າວໄປໃກ້ມໍ່ກັບສື່ມວນຊົນຂອງບັນດາປະເທດອ້ອມຂ້າງກໍ່ຄືຢູ່ໃນຂົງເຂດອາຊຽນໃນສະເພາະໜ້າແລະຍາວນານ.

ກອງປະຊຸມໂຄງການ GAMCIL ສໍາຫຼວດເກັບກໍາຂໍ້ມູນເພື່ອປະເມີນຄວາມຮູ້, ຄວາມສາມາດ, ຄວາມໝັ້ນໃຈ ແລະ ທັກສະໃນການລາຍງານຂ່າວຂອງນັກຂ່າວກ່ຽວກັບການພັດທະນາສີຂຽວຍືນຍົງ ແລະ ການນຳໃຊ້ສື່ດິຈິຕອນຢູ່ ຖວທ ນະຄອນຫຼວງວຽງຈັນໃນລະຫວ່າງວັນທີ 26-28 ມິຖຸນາ 2024.

ທ່ານ ທອງຖິ່ນ ພົມພັກດີ ຮອງຫົວໜ້າພະແນກ ຖວທ ແຂວງຈໍາປາສັກ ມີຄໍາເຫັນຕໍ່ກອງປະຊຸມປະເມີນຄວາມຮູ້, ຄວາມສາມາດ, ຄວາມໝັ້ນໃຈ ແລະ ທັກສະໃນການລາຍງານຂ່າວຂອງນັກຂ່າວກ່ຽວກັບການພັດທະນາສີຂຽວຍືນຍົງ ແລະ ການນຳໃຊ້ສື່ດິຈິຕອນ ທີ່ ແຂວງຈໍາປາສັກ ວັນທີ 18-20 ມິຖຸນາ 2024.