ໂຄງການ GAMCIL 2024-2025

ວັນທີ 8-9 ທັນວາ 2025, ສະມາຄົມນັກຂ່າວລາວ ແລະ ອົງການແຄຣ໌ ລາວ ໄດນຳພາຜູ້ຕາງໜ້າຈາກ ສປປ ລາວ ພາຍໃຕ້ໂຄງການ GAMCIL ຈໍານວນ 10 ທ່ານ ເຂົ້າຮ່ວມ ການຝຶກອົບຮົມກ່ຽວກັບພື້ນຖານ ແລະ ເຕັກນິກສະເພາະໃນການຜະລິດສື່ສີຂຽວ. ການຝຶກອົບຮົມ ແມ່ນເນັ້ນເຖິງການເພີ່ມທັກສະໃຫ້ສື່ມວນຊົນລາວ ໃນການສ້າງໂຄງຮ່າງ ການລາຍງານເລື່ອງສິ່ງແວດລ້ອມ ແລະ ການນໍາໃຊ້ເຄື່ອງມືໃໝ່ໆ ໃນໂລກອອນລາຍ, ປັບປຸງຄຸນນະພາບການນໍາສະເໜີຂ່າວສິ່ງແວດລ້ອມ ໃຫ້ໜ້າສົນໃຈ ແລະ ສັ້ນກະທັດຮັດ, ສາມາດດຶງດູດ ແລະ ເປັນປະໂຫຍດໃຫ້ກັບຜູ້ອ່ານໄດ້.

ໃນວັນທີ 8 ທັນວາ 2025, ສະມາຄົມນັກຂ່າວລາວ, ສະມາຄົມນັກຂ່າວຫວຽດນາມ ແລະ ອົງການແຄຣ໌ ລາວ ໄດ້ຈັດພິທີເປີດຂະບວນການທັດສະນະແລກປ່ຽນບັນຫາສີຂຽວລະດັບພາກພື້ນປະຈຳປີ 2025 ພາຍໃຕ້ໂຄງການ GAMCIL ສຳລັບ ຕົວແທນຈາກ ສປປ ລາວ ຈຳນວນ 10 ທ່ານ ທີ່ ສສ ຫວຽດນາມ. ຜູ້ເຂົ້າຮ່ວມທຸກຄົນຕ່າງຍິ້ມເເຍ້ມເເຈ່ມໃສ ແລະ ມີຄວາມກະຕືລືລົ້ນຢ່າງເຕັມປ່ຽມ ທີ່ຈະເລີ່ມຕົ້ນການແລກປ່ຽນອັນມີຄຸນຄ່າໃນຄັ້ງນີ້! ທີມງານໄດ້ຮັບການຕ້ອນຮັບຢ່າງອົບອຸ່ນ ແລະ ເປັນມິດຈາກຜູ້ຕາງໜ້າຂອງ ສະມາຄົມນັກຂ່າວ ສສ ຫວຽດນາມ ທີ່ສ້າງຄວາມປະທັບໃຈຕັ້ງແຕ່ກ້າວທຳອິດ. ການຢ້ຽມຢາມຄັ້ງນີ້ ແມ່ນການເປີດປະຕູສູ່ການຮ່ວມມືແບບໃໝ່, ເປັນໂອກາດສຳຄັນໃນການຮຽນຮູ້ບົດຮຽນກັບຊ່ຽວຊານດ້ານການຜະລິດສື່ກ່ຽວກັບສິ່ງແວດລ້ອມ ຈາກ ປະເທດຫວຽດນາມ ທີ່ໄດ້ແລກປ່ຽນຮ່ວມກັນຄື: ພາບລວມກ່ຽວກັບສິ່ງແວດລ້ອມ, ບັນຫາສີຂຽວ ທີ່ເກີດຂື້ນໃນປັດຈຸບັນ, ການນຳໃຊ້ ສື່ດິຈິຕອນ ໃຫ້ເປັນປະໂຫຍດກັບວຽກງານສື່ ແລະ ການຍົກລະດັບວຽກງານສື່ມວນຊົນໃຫ້ມີຄວາມທັນສະໄໝຂຶ້ນ

ໃນວັນທີ 7 ທັນວາ 2025, ສະມາຄົມນັກຂ່າວລາວ ແລະ ອົງການແຄຣ໌ ລາວ ໄດ້ນຳພານັກຂ່າວພາກລັດຖະບານ, ພາກອົງການຈັດຕັ້ງທາງສັງຄົມ ແລະ ພາກຜູ້ນຳໃຊ້ສື່ອອນລາຍທົ່ວໄປ ພາຍໃຕ້ໂຄງການ GAMCIL ເດີນທາງໄປຮຽນຮູ້ການຜະລິດສື່ສີຂຽວ ແລະ ການນຳໃຊ້ເຄື່ອງມືດິຈີຕອນ ເຂົ້າຊ່ວຍໃນການຜະລິດສື່ໃຫ້ມີຄຸນນະພາບ, ແລກປ່ຽນບົດຮຽນກັບຊ່ຽວຊານ ແລະ ຢ້ຽມຊົມສະຖານທີ່ທ່ອງທ່ຽວອະນຸລັກທາງທຳມະຊາດ ທີ່ ປະເທດ ຫວຽດນາມ.

ພິທີມອບລາງວັນ ໄດ້ຈັດຂຶ້ນໃນວັນທີ 18 ພະຈິກ 2025 ທີ່ ນະຄອນຫຼວງວຽງຈັນ. ໄດ້ຮັບກຽດຈາກຜູ້ເຂົ້າຮ່ວມເປັນປະທານໂດຍ ທ່ານ ສົມສະຫວາດ ພົງສາ, ຫົວໜ້າກົມສື່ມວນຊົນ, ຄະນະໂຄສະນາອົບຮົມສູນກາງພັກ, ທ່ານ ມາກ ກາລາເຮີ, ເອກອັກຄະລັດຖະທູດ ສະຫະພາບ ເອີຣົບ ປະຈຳ ລາວ, ທ່ານ ສະຫວັນຄອນ ຣາຊມົນຕຣີ, ປະທານສະມາຄົມນັກຂ່າວ ແຫ່ງ ສປປ ລາວ ແລະ ທ່ານ ນາງ ແກ້ວອຳພອນ ສຸວັນນະພູມ, ຜູ້ອຳນວຍການ ອົງການແຄຣ໌ ນານາຊາດ ປະຈຳ ສປປ ລາວ. ພວກເຮົາຂໍສະແດງຄວາມຍິນດີນຳ ຜູ້ຊະນະເລີດ ຈາກກຸ່ມນັກຂ່າວພາກລັດຖະບານ, ກຸ່ມພາກອົງການຈັດຕັ້ງມະຫາຊົນ ແລະ ອົງການຈັດຕັ້ງທາງສັງຄົມ ແລະ ຜູ້ນຳໃຊ້ສື່ອອນລາຍທົ່ວໄປ ກໍຄື: ປະເພດຂ່າວວິດີໂອ: ທ່ານ ນາງ ປານີ ວິໄລຈິດ, ວິທະຍຸ-ໂທລະພາບ ແຂວງຫຼວງພະບາງ…