ໂຄງການ GAMCIL 2026-2027

ວັນທີ 11 ພຶດສະພາ 2026, ໄດ້ມີພິທີເປີດຊຸດຝຶກອົບຮົມຢ່າງເປັນທາງການ ເຊິ່ງຈະດຳເນີນໄປຈົນເຖິງວັນທີ 15 ພຶດສະພາ 2026. ໂດຍໃຫ້ກຽດຮ່ວມເປັນປະທານຂອງ ທ່ານ ສະຫວັນຄອນ ຣາຊມູນຕຣີ, ປະທານສະມາຄົມນັກຂ່າວແຫ່ງ ສປປ ລາວ, ທ່ານ ສົມສົກ ສະກຸນຄຳ, ຮອງຫົວໜ້າກົມສື່ມວນຊົນ, ຄະນະໂຄສະນາອົບຮົມສູນກາງພັກ. ການຝຶກອົບຮົມຄັ້ງນີ້ມີຈຸດປະສົງເພື່ອສ້າງຄວາມອາດສາມາດໃຫ້ແກ່ຜູ້ນຳໃຊ້ສື່ອອນລາຍທົ່ວໄປ ໃນການສ້າງເນື້ອໃນກ່ຽວກັບບັນຫາສີຂຽວຢ່າງມີຄຸນະພາບ, ການນຳໃຊ້ປັນຍາປະດິດ (AI) ເຂົ້າໃນວຽກງານສື່, ພ້ອມທັງສ້າງຄວາມເຂົ້າໃຈກ່ຽວກັບວຽກງານຄຸ້ມຄອງສື່ມວນຊົນ ແລະ ຍຶດໝັ້ນໃນຈັນຍາບັນນັກຂ່າວເປັນຫຼັກ. ຕະຫຼອດໄລຍະການຝຶກອົບຮົມ, ນ້ອງໆທຸກຄົນ ໄດ້ສະແດງໃຫ້ເຫັນເຖິງຄວາມຕັ້ງໃຈ, ຄວາມຫ້າວຫັນ ແລະ ຄຳໝັ້ນສັນຍາໃນການຮຽນຮູ້. ໄຮໄລ້ສຳຄັນແມ່ນທຸກຄົນໄດ້ຮ່ວມແຮງຮ່ວມໃຈກັນ “ນຳສະເໜີຜົນງານສື່ສ້າງສັນ ທີ່ດີທີ່ສຸດ ບໍ່ວ່າຈະເປັນໂປສເຕີ້ ທີ່ມີເນື້ອຫາເລິກເຊິ່ງ ຫຼື ວິດີໂອ ທີ່ມີຄຸນນະພາບສູງ” ເຊິ່ງລ້ວນແຕ່ເກີດຈາກແນວຄິດສ້າງສັນຂອງຜູ້ເຂົ້າຮ່ວມທຸກໆຄົນ.

ໃນວັນທີ 4 ພຶດສະພາ 2026 ນີ້, ໂຄງການ GAMCIL ໄດ້ເປີດຊຸດຝຶກອົບຮົມ ການລາຍງານຂ່າວບັນຫາສີຂຽວ ເພື່ອຍົກລະດັບສັກກະຍະພາບໃຫ້ ຕາງໜ້ານັກຂ່າວ ຈາກ 8 ແຂວງພາກເໜືອແບບເຊິ່ງໜ້າ ແລະ ຕາງໜ້າພາກກາງ ແລະ ພາກໃຕ້ໃນຮູບແບບອອນລາຍ ໃນການນຳສະເໜີຂ່າວສານດ້ານສິ່ງແວດລ້ອມໃຫ້ມີພະລັງ ແລະ ທັນສະໄໝ. ໃຫ້ກຽດເປັນປະທານຮ່ວມໂດຍ ທ່ານ ສະຫວັນຄອນ ຣາຊະມູນຕຣີ, ປະທານສະມາຄົມນັກຂ່າວແຫ່ງ ສປປ ລາວ, ທ່ານ ບຸນໄຫຼ ດວງເດືອນ, ຮອງຫົວໜ້າຄະນະໂຄສະນາອົບຮົມແຂວງຫຼວງພະບາງ ແລະ ທ່ານ ບຸນເພັງ ທຳມະວົງ, ຫົວໜ້າອະວຸໂສ ບໍລິຫານແຜນງານ, ອົງການແຄຣ໌ ລາວ. ຈຸດປະສົງຫຼັກຂອງການຝຶກອົບຮົມ ແມ່ນເພື່ອເຝິກທັກສະການຂຽນຂ່າວສັ້ນໃຫ້ດຶງດູດ ແລະ ໜ້າຕິດຕາມ, ເຈາະເລິກຂໍ້ມູນພື້ນຖານດ້ານສິ່ງແວດລ້ອມ ແລະ ບັນຫາສີຂຽວ, ຮຽນຮູ້ການນຳໃຊ້ເຄື່ອງມື AI ເຂົ້າໃນການຜະລິດຂ່າວໃຫ້ສະດວກ ແລະ ວ່ອງໄວໃນຍຸກດິຈິຕອນ.

ໃນວັນທີ 27 ເມສາ 2026, ໄດ້ມີພິທີເປີດຊຸດຝຶກອົບຮົມຄູຝຶກໃນຫົວຂໍ້ “ການລາຍງານຂ່າວບັນຫາສີຂຽວ” ຢ່າງເປັນທາງການ. ເປົ້າໝາຍຫຼັກແມ່ນເພື່ອຍົກລະດັບທັກສະການສ້າງເນື້ອໃນ ແລະ ການວາງແຜນແຄມເປນ ດ້ານສິ່ງແວດລ້ອມໃຫ້ມີຄວາມໂດດເດັ່ນ ແລະ ໜ້າສົນໃຈ ໃຫ້ແກ່ພະນັກງານໂຄງການ ແລະ ສະມາຊິກຂອງສະມາຄົມນັກຂ່າວລາວ. ເປັນກຽດກ່າວເປີດງານໂດຍ ທ່ານ ທອງຫຼໍ່ ດວງສະຫວັນ, ຄະນະບໍລິຫານງານ ສະມາຄົມນັກຂ່າວແຫ່ງ ສປປ ລາວ, ທ່ານ ນາງ ແກ້ວປາລິນາ ວົງໂພສີ, ອຳນວຍການຝ່າຍບໍລິຫານ ແລະ ການເງິນ, ອົງການແຄຣ໌ ລາວ. ຊຸດຝຶກອົບຮົມຄັ້ງນີ້ ຈະດຳເນີນການຝຶກແຕ່ມື້ນີ້ ຈົນເຖິງວັນທີ 30 ເມສາ 2026 ເພື່ອສ້າງໃຫ້ຜູ້ເຂົ້າຮ່ວມກາຍເປັນຄູຝຶກທີ່ມີຄຸນນະພາບ ທີ່ພ້ອມຈະສົ່ງຕໍ່ບົດຮຽນ ແລະ ສ້າງແຮງບັນດານໃຈໃຫ້ກັບເພື່ອນຮ່ວມງານພາຍໃນອົງກອນ.

ສຳເລັດການຈັດກອງປະຊຸມສະຫຼຸບຜົນງານ ປີ 2025 ແລະ ວາງແຜນກິດຈະກຳ ປີ 2026-2027 ຂອງໂຄງການ GAMCIL ໃນວັນທີ 25 ກຸມພາ 2026 ຢ່າງຈົບງາມ. ໃຫ້ກຽດຮ່ວມເປັນປະທານໂດຍ ທ່ານ ສະຫວັນຄອນ ຣາຊມຸນຕຣີ, ປະທານ ສະມາຄົມນັກຂ່າວລາວ ແລະ ທ່ານ ນາງ ໄພວັນ ຈັນງ່າຄຳ, ຫົວໜ້າຝ່າຍແຜນງານ, ອົງການແຄຣ໌ ນານາຊາດ ປະຈຳ ສປປ ລາວ. ກອງປະຊຸມຄັ້ງນີ້ ຍັງມີຕ່າງໜ້າຈາກ ກະຊວງການຕ່າງປະເທດ, ກະຊວງກະສິກຳ ແລະ ປ່າໄມ້, ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ, ຄະນະຄຸ້ມຄອງໂຄງການ ແລະ ນັກຂ່າວຈາກ 3 ແຂວງເປົ້າໝາຍ ຄື ຫຼວງພະບາງ, ນະຄອນຫຼວງວຽງຈັນ ແລະ ຈຳປາສັກ. ນອກຈາກນັ້ນ ຍັງມີຕາງໜ້າຈາກ 3 ອົງການຈັດຕັ້ງມະຫາຊົນ, ອົງການຈັດຕັ້ງທາງສັງຄົມ…

ວັນທີ 5 ກຸມພາ 2026 ທີ່ຜ່ານມາ, ກອງປະຊຸມລະດັບພາກພື້ນ ໃນຫົວຂໍ້ “ການລາຍງານຂ່າວບັນຫາສີຂຽວ” ໄດ້ຈັດຂຶ້ນຢ່າງສົມກຽດ!!! ໂດຍການໃຫ້ກຽດເຂົ້າຮ່ວມເປັນປະທານໂດຍ ທ່ານ ສາຄອນ ພົມມະລາດ, ກໍາມະການກົມການເມືອງສູນກາງພັກ, ຮອງຫົວໜ້າຄະນະໂຄສະນາອົບຮົມສູນກາງພັກ, ທ່ານ ສະຫວັນຄອນ ຣາຊມູນຕຣີ, ປະທານສະມາຄົມນັກຂ່າວ ແຫ່ງ ສປປ ລາວ, ທ່ານ ນາງ ເວີເລີ ສະເມັດ: ຫົວໜ້າພາກສ່ວນຮ່ວມມື, ສະຫະພາບ ເອີຣົບ ປະຈຳລາວ ແລະ ທ່ານ ນາງ ເເກ້ວອໍາພອນ ສຸວັນນະພູມ, ຜູ້ອໍານວຍການອົງການເເຄຣ໌ ນານາຊາດ ປະຈຳ ສປປ ລາວ. ການຮ່ວມມືຄັ້ງນີ້ ໄດ້ມີການສົນທະນາແລກປ່ຽນ ແລະ ຖາມ-ຕອບ ດ້ານສິ່ງແວດລ້ອມ ໂດຍວິທະຍາກອນ ຈາກປະເທດໄທ, ປະເທດຫວຽດນາມ ແລະ ປະເທດລາວ ໃຫ້ແກ່ນັກສື່ມວນຊົນລາວ ຜ່ານ 6 ປະເດັນສຳຄັນ: 1….