ໂຄງການ GAMCIL 2026-2027

ໃນວັນທີ 18-21 ສິງຫາ 2026, ສະມາຄົມນັກຂ່າວລາວ ແລະ ອົງການແຄຣ໌ ລາວ ໄດ້ນຳພາທີມສື່ມວນຊົນ 8 ແຂວງພາກເໜືອ ແລະ ຜູ້ນຳໃຊ້ສື່ອອນລາຍທົ່ວໄປ ຈຳນວນ 36 ຄົນ, ຍິງ 11 ຄົນ ເຂົ້າຮ່ວມທັດສະນະສຶກສາ ແລະ ຮຽນຮູ້ເລື່ອງການທ່ອງທ່ຽວອະນຸລັກ ໂດຍຊຸມຊົນມີສ່ວນຮ່ວມ ຜ່ານການລົງພື້ນທີ່ຈິງຂອງ ໂຄງການສົ່ງເສີມຕາໜ່າງສັດຕະວະແພດແບບທຸລະກິດ ຢູ່ເມືອງປາກແຊງ. ໄດ້ສຳພາດຢ່າງເປັນກັນເອງກັບຄອບຄົວຕົວແບບ, ສັດຕະວະແພດປະຈຳໝູ່ບ້ານ ແລະ ຊຸມຊົນ ເພື່ອໃຫ້ເຫັນເຖິງການປ່ຽນແປງ ລະຫວ່າງກ່ອນ ແລະ ຫຼັງການໄດ້ຮັບສະໜັບສະໜູນຈາກໂຄງການ. ນອກຈາກນີ້, ພວກເຮົາກໍໄດ້ແວ່ຢ້ຽມຊົມ ສູນຫັດຖະກຳ ອອກພົບຕົກ (Ock Pop Tok) ເຊິ່ງເປັນຕົວແບບທຸລະກິດທີ່ເປັນມິດຕໍ່ສິ່ງແວດລ້ອມ ເເລະ ຊ່ວຍສົ່ງເສີມຍົກລະດັບຕະຫຼາດສິນຄ້າຫັດຖະກຳຕຳຫູກຕຳແຜ່ນຂອງລາວໃຫ້ໂດດເດັ່ນ. ຕະຫຼອດການເດີນທາງ, ພວກເຮົາໄດ້ເຫັນເຖິງ “ພະລັງຄວາມຮ່ວມມື” ຂອງຊຸມຊົນຢ່າງແທ້ຈິງ. ແຕ່ສິ່ງທີ່ປະທັບໃຈທີ່ສຸດ ແມ່ນການສົ່ງເສີມບົດບາດແມ່ຍິງ, ທີ່ເປີດໂອກາດໃຫ້ເເມ່ຍິງໄດ້ມີສ່ວນຮ່ວມ ແລະ ກ້າຂຶ້ນມາເປັນຜູ້ນຳໃນການພັດທະນາຊຸມຊົນໄປພ້ອມໆກັນ. 

ໃນວັນທີ 19-21 ສິງຫາ 2026, ສະມາຄົມນັກຂ່າວລາວ ຮ່ວມກັບ ອົງການແຄຣ໌ ລາວ ໄດ້ສືບຕໍ່ຈັດຊຸດຝຶກອົບຮົມການລາຍງານຂ່າວບັນຫາສີຂຽວ ໃຫ້ແກ່ຕາງໜ້າສື່ມວນຊົນຈາກ 8 ແຂວງພາກກາງ ແລະ ຜູ້ນຳໃຊ້ສຶ່ອອນລາຍທົ່ວໄປ ລວມທັງໝົດ 36 ຄົນ, ຍິງ 11 ຄົນ ພາຍໃຕ້ໂຄງການ GAMCIL ທີ່ຫຼວງພະບາງ.  ການຝຶກອົບຮົມໃນຄັ້ງນີ້ ແມ່ນໃຫ້ກຽດເປັນປະທານໂດຍ ທ່ານ ບຸນໄຫຼ ດວງເດືອນ, ຮອງຄະນະໂຄສະນາອົບຮົມແຂວງຫຼວງພະບາງ ແລະ ທ່ານນາງ ບົວຄຳ ດວງປັນຍາ, ຫົວໜ້າໂຄງການ GAMCIL.  ຝຶກອົບຮົມໃນຄັ້ງນີ້ແມ່ນເນັ້ນໃສ່ ຄວາມເຂົ້າໃຈກ່ຽວກັບບົດບາດຍິງ-ຊາຍ ເພື່ອໃຫ້ການນຳສະເໜີຂ່າວມີຄວາມກວມລວມ ແລະ ເທົ່າທຽມ, ການສົ່ງເສີມສຽງຂອງທຸກກຸ່ມຄົນໃນສົງຄົມ ແລະ ເພື່ອສ້າງຈິດສຳນຶກ ແລະ ກະຕຸ້ນໃຫ້ສັງຄົມຫັນມາໃສ່ໃຈກັບບັນຫາສີຂຽວຢ່າງຍືນຍົງ. ນອກຈາກນັ້ນ, ຜູ້ເຂົ້າຮ່ວມຍັງໄດ້ເຮັດກິດຈະກຳສ້າງຄວາມສາມັກຄີ ແລະ ແລກປ່ຽນບົດຮຽນຮ່ວມກັນ ເຊິ່ງບັນຍາກາດເຕັມໄປດ້ວຍຄວາມອົບອຸ່ນ, ຄວາມຮ່ວມມື ແລະ ຮອຍຍິ້ມ! ຜ່ານການຮ່ວມມືກັນວາງແຜນ ແລະ…

ໃນວັນທີ 15 ກັນຍາ 2026 ທີ່ຜ່ານມາ, ກອງປະຊຸມຜູ້ປະສານງານຂັ້ນແຂວງ ຂອງໂຄງການ ໄດ້ຈັດຂຶ້ນຢ່າງເປັນທາງການ ໂດຍມີຜູ້ປະສານງານຈາກ 3 ແຂວງເປົ້າໝາຍ ເຊັ່ນ: ນະຄອນຫຼວງວຽງຈັນ, ຫຼວງພະບາງ ແລະ ຈຳປາສັກ ເຂົ້າຮ່ວມຢ່າງພ້ອມພຽງ. ກອງປະຊຸມຄັ້ງນີ້ ມີຈຸດປະສົງຫຼັກເພື່ອຖອດຖອນບົດຮຽນ, ທົບທວນ ແລະ ປະເມີນຜົນການຈັດຕັ້ງປະຕິບັດງານ ໃນໄລຍະຜ່ານມາ ພ້ອມທັງຮ່ວມກັນກໍານົດທິດທາງ ແລະ ວາງແຜນການເຄື່ອນໄຫວໃນຕໍ່ໜ້າ ໃຫ້ມີປະສິດທິພາບ, ສອດຄ່ອງ ແລະ ເຂົ້າເຖິງເປົ້າໝາຍຢ່າງແທ້ຈິງ. ຜ່ານການຈັດກອງປະຊຸມ ຜູ້ເຂົ້າຮ່ວມໄດ້ທົບທວນປະເມີນຂໍ້ສະດວກ, ຂໍ້ຫຍຸ້ງຍາກ ແລະ ແລກປ່ຽນບົດຮຽນທີ່ດີ ຈາກການປະຕິບັດງານຕົວຈິງ ໃນ 3 ພື້ນທີ່. ມີແຜນຮ່ວມມືກັນທີຊັດເຈນ ເພື່ອໃຫ້ການເຮັດວຽກໃນຕໍ່ໜ້າ ບັນລຸີເປົ້າໝາຍ ແລະ ຕອບໂຈດຄວາມຕ້ອງການຂອງຜູ້ເຂົ້າຮ່ວມໂຄງການ.  ຫຼັງຈາກນັ້ນ, ໄດ້ມີການແຕ່ງຕັ້ງ ທູດໄວໜຸ່ມເພື່ອການພັດທະນາສີຂຽວ ຈຳນວນ 14 ຄົນ ຢ່າງເປັນທາງການ. ຈຸດປະສົງຂອງທູດອາສາສະໝັກໄວໜຸ່ມເຫຼົ່ານີ້ ແມ່ນເພື່ອເຮັດໜ້າທີ່ເປັນຕົວແທນໃນການປຸກລະດົມ ແລະ ສ້າງແຮງບັນດານໃຈໃຫ້ກັບຊາວໜຸ່ມດ້ວຍກັນ…

ໃນວັນທີ 15 ກັນຍາ 2026 ທີ່ຜ່ານມາ, ໄດ້ມີການຈັດກອງປະຊຸມສະຫຼຸບການຈັດຕັ້ງປະຕິບັດກິດຈະກຳ 6 ເດືອນຕົ້ນປີ (ມີນາ – ສິງຫາ 2026) ແລະ ວາງແຜນການ 6 ເດືອນທ້າຍປີ (ກັນຍາ 2026 – ກຸມພາ 2027) ຂອງໂຄງການ GAMCIL ຂຶ້ນຢ່າງເປັນທາງການ. ກອງປະຊຸມໄດ້ຮັບກຽດເຂົ້າຮ່ວມເປັນປະທານໂດຍ ທ່ານ ສົມສັກ ສະກຸນຄຳ ຮອງຫົວໜ້າກົມສື່ມວນຊົນ ຄະນະໂຄສະນາອົບຮົມສູນກາງພັກ, ທ່ານ ສະຫວັນຄອນ ຣາຊມູນຕຣີ ປະທານສະມາຄົມນັກຂ່າວລາວ, ແລະ ທ່ານ ນາງ ບົວຄຳ ດວງປັນຍາ ຫົວໜ້າໂຄງການ GAMCIL, ພ້ອມດ້ວຍຄະນະຜູ້ປະສານງານ 3 ແຂວງ, ຕາງໜ້າຄະນະຄຸ້ມຄອງໂຄງການ, 3 ອົງການຈັດຕັ້ງມະຫາຊົນ, ຕາງໜ້າຜູ້ເຂົ້າຮ່ວມກິດຈະກຳໂຄງການທັງພາກລັດ ແລະ ພາກສື່ອອນລາຍທົ່ວໄປ. ໂຄງການໄດ້ລາຍງານຜົນສຳເລັດ, ປຶກສາຫາລືສິ່ງທ້າທາຍໃນການຈັດກິດຈະກຳ ແລະ ຮ່ວມກັນວາງແຜນງານໃນອີກ 6…

ໃນວັນທີ 24 ກໍລະກົດ 2026 ສະມາຄົມນັກຂ່າວລາວ ຮ່ວມກັບ ອົງການ ແຄຣ໌ ປະຈໍາ ລາວ ໄດ້ມາສືບຕໍ່ຈັດການຝຶກອົບຮົມ 1 ວັນເຕັມ ຢູ່ທີ່ ມະຫາວິທະຍາໄລ ສຸພານຸວົງ, ນະຄອນຫຼວງພະບາງ! ງານນີ້ໄດ້ຮັບຄວາມສົນໃຈຈາກໄວໜຸ່ມຢ່າງຄຶກຄື້ນ ເພື່ອແນະນຳຫຼັກສູດອອນລາຍຮຽນຮູ້ດ້ວຍຕົນເອງ ເທິງເວັບໄຊຂອງສະມາຄົມ. ກິດຈະກຳຄັ້ງນີ້ມີຈຸດປະສົງເພື່ອເຜີຍແຜ່ ຫຼັກສູດການຮຽນຮູ້ດ້ວຍຕົນເອງ ເຊິ່ງຜູ້ທີ່ເຂົ້າຮຽນ ຈະໄດ້ເຂົ້າເຖິງຄວາມຮູ້ການລາຍງານຂ່າວບັນຫາສີຂຽວ, ການນໍາໃຊ້ດິຈິຕອນເຂົ້າໃນການຜະລິດເນື້ອໃນ, ກົດໝາຍສື່ມວນຊົນ, ການສ້າງແຄມເປນກ່ຽວກັບສິ່ງແວດລ້ອມ ແລະ ອີກຫຼາກຫຼາຍຄວາມຮູ້ທີ່ພ້ອມຈະໃຫ້ໄດ້ຮຽນ. ຜູ້ທີສຳເຂົ້າຮຽນຫຼັກສູດນີ້ສຳເລັດ ຈະສາມາດເຂົ້າໃຈເຖິງບັນຫາສິ່ງແວດລ້ອມທີ່ກຳລັງເກີດຂື້ນໃນປັດຈຸບັນ, ສາມາດຜະລິດເນື້ອໃນທີ່ດຶງດູດຜູ້ຊົມໄດ້, ຮູ້ເຕັກນິກການນຳໃຊ້ເຄື່ອງມືດິຈິຕອນຊ່ວຍໃນການຜະລິດເນື້ອໃນ, ຮູ້ກ່ຽວກັບກົດໝາຍສື່ມວນຊົນ ແລະ ທີສຳຄັນ ຈະໄດ້ຮັບໃບຢັ້ງຢືນຈາກໂຄງການ.