ໂຄງການ GAMCIL 2026-2027

ໃນວັນທີ 03 ກໍລະກົດ 2026, ນ້ອງໆຜູ້ເຂົ້າຮ່ວມທຸກຄົນໄດ້ທຸ້ມເທທັງແຮງກາຍ ແລະ ແຮງໃຈໃນການຮຽນຮູ້. ແລະ ມື້ນີ້ກໍເປັນມື້ສຸດທ້າຍທີ່ເຕັໄປດ້ວຍຄວາມຄຶກຄັກ! ເພາະເປັນມື້ທີ່ນ້ອງໆໄດ້ປ່ອຍຂອງ ແລະ ສະແດງຜົນງານການຜະລິດ ໂປສເຕີ້ ແລະ ວິດີໂອແຄມເປນ ທີ່ສະທ້ອນເຖິງບັນຫາສິ່ງແວດລ້ອມທີ່ກຳລັງເກີດຂຶ້ນໃນປັດຈຸບັນອອກມາໄດ້ຢ່າງໜ້າສົນໃຈ ແລະ ມີພະລັງ. ພາຍຫຼັງສຳເລັດການເຂົ້າຮ່ວມຝຶກອົບຮົມແລ້ວ, ຜູ້ເຂົ້າຮ່ວມສາມາດຜະລິດເນື້ອໃນກ່ຽວກັບບັນຫາສິ່ງແວດລ້ອມ ໂດຍການນຳໃຊ້ບົດຮຽນທີ່ໄດ້ຮຽນມາ ເຂົ້າຊ່ວຍ ໂດຍສະເພາະແມ່ນການຜະລິດບົດເລື່ອງ, ການນຳໃຊ້ປັນຍາປະດິດຊ່ວຍໃນການຮຽບຮຽງເນື້ອໃນໃຫ້ໜ້າສົນໃຈ ແລະ ການນຳໃຊ້ພາສາລາວໄດ້ຢ່າງຖືກຕ້ອງ.

ໃນວັນທີ 9-10 ກໍລະກົດ 2026, ສະມາຄົມນັກຂ່າວລາວ ຮ່ວມກັບ ອົງການແຄຣ໌ ລາວ ໄດ້ສືບຕໍ່ຈັດຊຸດຝຶກອົບຮົມການລາຍງານຂ່າວບັນຫາສີຂຽວ ໃຫ້ແກ່ຕາງໜ້າສື່ມວນຊົນຈາກ 4 ແຂວງພາກໃຕ້ ແລະ 2 ແຂວງພາກກາງ ພາຍໃຕ້ໂຄງການ GAMCIL ທີ່ ທ່າແຂກ, ແຂວງຄຳມ່ວນ. ການຝຶກອົບຮົມໃນຄັ້ງນີ້ ແມ່ນໃຫ້ກຽດເປັນປະທານເປີດໂດຍ ທ່ານ ນວນຕາ ແກ້ວນະວົງ, ກໍາມະການພັກແຂວງ ຫົວໜ້າຄະນະໂຄສະນາອົບຮົມແຂວງຄຳມ່ວນ ແລະ ທ່ານນາງ ບົວຄຳ ດວງປັນຍາ, ຫົວໜ້າໂຄງການ GAMCIL. ຝຶກອົບຮົມໃນຄັ້ງນີ້ແມ່ນເນັ້ນໃສ່ ຄວາມເຂົ້າໃຈກ່ຽວກັບບົດບາດຍິງ-ຊາຍ ເພື່ອໃຫ້ການນຳສະເໜີຂ່າວມີຄວາມກວມລວມ ແລະ ເທົ່າທຽມ, ການສົ່ງເສີມສຽງຂອງທຸກກຸ່ມຄົນໃນສົງຄົມ ແລະ ເພື່ອສ້າງຈິດສຳນຶກ ແລະ ກະຕຸ້ນໃຫ້ສັງຄົມຫັນມາໃສ່ໃຈກັບບັນຫາສີຂຽວຢ່າງຍືນຍົງ. ຫຼັງຈາກຈົບຊຸດຝຶກອົບຮົມຄັ້ງນີ້, ຄາດວ່າຕາງໜ້າສື່ມວນຊົນທັງ 6 ແຂວງ ຈະສາມາດຍົກລະດັບຂີດຄວາມສາມາດ ໃນການຜະລິດ ແລະ ນຳສະເໜີຂ່າວສານ ທີ່ບໍ່ພຽງແຕ່ສະທ້ອນເຖິງບັນຫາສິ່ງແວດລ້ອມ (ບັນຫາສີຂຽວ) ເທົ່ານັ້ນ, ແຕ່ຍັງສາມາດສອດແຊກ…

ໃນວັນທີ 6-8 ກໍລະກົດ 2026, ສະມາຄົມນັກຂ່າວລາວ ແລະ ອົງການແຄຣ໌ ລາວ ໄດ້ນຳພາທີມສື່ມວນຊົນ 4 ແຂວງພາກໃຕ້, 2 ແຂວງພາກກາງ ແລະ ນັກສື່ອອນລາຍທົ່ວໄປ ລົງເລິກທັດສະນະສຶກສາ ແລະ ຮຽນຮູ້ເລື່ອງການທ່ອງທ່ຽວອະນຸລັກ ໂດຍຊຸມຊົນມີສ່ວນຮ່ວມ ຜ່ານແຜນພັດທະນາທີ່ຍືນຍົງຂອງ ບໍລິສັດ ເຂື່ອນໄຟຟ້ານໍ້າເທີນ 2 ເຊັນ ສຳພາດຜູ້ປະກອບການທຸລິກິດ ທີ່ມີສ່ວນຮ່ວມໃນການຮັກສາສິ່ງແວດລ້ອມ, ການຜະລິດປາແຫ້ງຂອງຊຸມຊົນ, ສູນໃຫ້ຂໍ້ມູນຂອງອຸທິຍານແຫ່ງຊາດນາກາຍ-ນໍ້າເທີນ, ສູນການສຶກສາເພື່ອໃຫ້ທຶນພາຍໃນແກ່ນັກຮຽນ ແລະ ຢ້ຽມຊົມເຂື່ອນຜະລິດໄຟຟ້າຂອງ ບໍລິສັດເຂື່ອນໄຟຟ້ານໍ້າເທີນ 2. ນີ້ເປັນການທັດສະນະທີມີຄຸນຄ່າ ແລະ ເປັນປະໂຫຍດຫຼາຍ ສຳລັບນັກສື່ມວນຊົນ ໃນການຜະລິດບົດຂ່າວທີ່ກ່ຽວກັບການພັດທະນາສີຂຽວ ແລະ ການມີສ່ວນຮ່ວມຂອງຊຸມຊົນໃນການອະນຸລັກສິ່ງແວດລ້ອມ.

ສະມາຄົມນັກຂ່າວລາວ ຮ່ວມກັບ ອົງການແຄຣ໌ ນານາຊາດ ພາຍໃຕ້ໂຄງການ GAMCIL ຮ່ວມວາງສະແດງຜົນງານ ແລະ ຂຶ້ນມີຄຳເຫັນ ໃນໂອກາດກອງປະຊຸມວຽກງານສື່ມວນຊົນທົ່ວປະເທດ ຄັ້ງທີ I ໃນລະຫວ່າງວັນທີ 13-15 ກໍລະກົດ 2026 ນີ້, ທີ່ຫໍປະຊຸມແຫ່ງຊາດ, ນະຄອນຫຼວງວຽງຈັນ”. ເພື່ອເປັນການສະເຫຼີມສະຫຼອງງານທີ່ມີຄວາມໝາຍຄວາມສໍາຄັນລະດັບຊາດນີ້, ສະມາຄົມນັກຂ່າວລາວ ຮ່ວມກັບ ອົງການແຄຣ໌ ນານາຊາດ ປະຈໍາ ສປປ ລາວ ພາຍໃຕ້ໂຄງການ GAMCIL ໄດ້ຮ່ວມກັນຈັດບູດວາງສະແດງຜົນງານ ເພື່ອນຳສະເໜີຜົນສຳເລັດ ແລະ ຄວາມຄືບໜ້າຂອງການຮ່ວມມື ຫຼັກໆ ແມ່ນການພັດທະນາຂີດຄວາມສາມາດດ້ານການສື່ສານ ແລະ ວຽກງານສື່ມວນຊົນໃນໄລຍະຜ່ານມາ ເຊິ່ງໄດ້ຮັບຄວາມສົນໃຈຢ່າງຫຼວງຫຼາຍ ຈາກຄະນະການນຳຂັ້ນສູງ ແລະ ຜູ້ເຂົ້າຮ່ວມງານ. ໃນໂອກາດອັນດີນີ້, ທ່ານ ປະທານສະມາຄົມນັກຂ່າວລາວ ໄດ້ຂຶ້ນມີຄຳເຫັນຢ່າງມີເນື້ອໃນເລິກເຊິ່ງ ໃນຫົວຂໍ້: “ການປົກປ້ອງສິດ ແລະ ຜົນປະໂຫຍດຂອງສື່ມວນຊົນໃນຍຸກອຸດສາຫະກຳ 4.0”. ທ່ານໄດ້ເນັ້ນໜັກວ່າ: “ສະມາຄົມນັກຂ່າວລາວ ຍາມໃດກໍຍັງຄົງມຸ້ງໝັ້ນທີ່ຈະສະໜັບສະໜູນ ແລະ ຍົກລະດັບທັກສະຂອງນັກຂ່າວລາວ…